আলফা(স্বা)ক শান্তিৰ মেজলৈ আমন্ত্ৰণ হিমন্ত বিশ্ব শৰ্মাৰ

প্ৰধানমন্ত্ৰীৰ উপস্থিতিতে কোকৰাঝাৰৰ বিজয় উৎসৱৰ মঞ্চৰ পৰা আলফা স্বাধীনলৈ আহ্বান মন্ত্ৰী হিমন্ত বিশ্ব শৰ্মাৰ ৷ আলফা(স্বা)ক অস্ত্ৰ পৰিহাৰ কৰি শান্তিৰ মেজলৈ আহিবলৈ আহ্বান জনালে মন্ত্ৰী হিমন্তই ৷ মন্ত্ৰীগৰাকীয়ে কয় যে, উত্তৰ-পূৱৰ স্থায়ী শান্তি ঘূৰাই আনি নৰেন্দ্ৰ মোডীয়ে নৱোদিত সূৰ্য দেখুৱালে ৷ ব্ৰু-চুক্তি স্বাক্ষৰিত কৰাৰ পাচতেই বড়ো চুক্তি সম্পন্ন কৰিলে মোডীয়ে ৷ অসমৰ অখণ্ডতা ৰক্ষা কৰি বড়ো চুক্তিৰ দ্বাৰা সমগ্ৰ অসমলৈ শান্তি ওভতাই আনিলে মোডীয়ে ৷ গতিকে যি সকল বিদ্ৰোহীয়ে এতিয়াও অস্ত্ৰ পৰিহাৰ কৰা নাই, সেই সকলক অস্ত্ৰ এৰি শান্তিৰ পথলৈ অহাৰ আহ্বান হিমন্ত বিশ্ব শৰ্মাৰ ৷