ক'লা নহয় বগা নহয় বিজেপি ৰঙৰ বুলেট দিব হিমন্ত বিশ্ব শৰ্মাই - হিমন্ত বিশ্ব শৰ্মা
দ্বিতীয় পৰ্যায়ৰ ভোট গ্ৰহণৰ দিন চমু চাপি অহাৰ লগে লগে প্ৰচাৰ তুংগত উঠিছে বিভিন্ন ৰাজনৈতিক দলৰ ৷ এই ক্ষেত্ৰত পিছ পৰি থকা নাই শাসকীয় দল বিজেপি ৷ ৰাজ্যখনৰ প্ৰান্তে প্ৰান্তে হেলিকপ্টাৰে ইখনৰ পাছত সিখনকৈ নিৰ্বাচনী প্ৰচাৰ অব্যাহত ৰাখিছে ড৹ হিমন্ত বিশ্ব শৰ্মাৰ ৷ কমলপুৰ বিধানসভা সমষ্টিৰ কৰৰাত বিজেপি প্ৰক্ষেপিত প্ৰাৰ্থী দিগন্ত কলিতাৰ হৈ বিশাল নিৰ্বাচনী সভাত অংশগ্ৰহন কৰে হিমন্ত বিশ্ব শৰ্মাই । নিৰ্বাচনী প্ৰচাৰ সভাখন সম্বোধন কৰি ড৹ শৰ্মাই ভাষণ প্ৰসংগত মহিলা আত্মসহায়ক গোটলৈ আৰ্থিক সহায় আগবঢ়োৱাৰ লগতে দহ লাখ লৰাক স্বয়ম আঁচনিত অন্তৰ্ভুক্তি কৰাৰ প্ৰতিশ্ৰুতি প্ৰদান কৰে ৷ সৰু সজাইত এক লাখ লৰা ছোৱালীয়ে চাকৰি পাব বুলি মন্তব্য কৰাৰ লগতে শৰ্মাই মোল্লা লাগে নে ডাক্তৰ লাগে বুলিও উপস্থিত ৰাইজক প্ৰশ্ন কৰে ৷ কৰৰাত পাঁচ কোটি টকাৰে ষ্টেডিয়াম হ'ব বুলি কৈ ড৹ শৰ্মাই লগতে এইবুলিও কয় যে, ছাত্ৰ সকলক বিজেপিয়ে বিজেপি কালাৰৰ বুলেট দিব ৷ কিন্তু এইক্ষেত্ৰত এটাই চৰ্ত থাকিব যে, বুলেটৰ পাছফালে তেওঁলোকে কেৱল মাক আৰু ভনিয়েককহে উঠাব পাৰিব ৷