হোজাইৰ কাকীৰ ডেকাগিৰি সমন্বয় ক্ষেত্ৰত গুৰুগৃহ প্ৰতিষ্ঠা

হোজাই কাকীৰ ডেকাগিৰি সমন্বয় ক্ষেত্ৰত অনুষ্ঠিত হ'বলগীয়া শ্ৰীমন্ত শঙ্কৰদেৱ সংঘৰ সেৱা বাহিনীৰ কেন্দ্ৰীয় ৰূপালী জয়ন্তী উৎসৱৰ বাবে সোমবাৰে প্ৰতিষ্ঠা কৰা হয় গুৰুগৃহ (নামঘৰ)৷ অহা ইংৰাজী 8 আৰু 9 অক্টোবৰ তাৰিখে 1 নং কাকী খেল পথাৰৰ ডেকাগিৰি সমন্বয় ক্ষেত্ৰত দুদিনীয়াকৈ অনুষ্ঠিত কৰা হ'ব শ্ৰীমন্ত শংকৰদেৱ সংঘৰ সেৱা সংগঠন সেৱা বাহিনীৰ কেন্দ্ৰীয় ৰূপালী জয়ন্তী উৎসৱ ৷ হোজাই জিলা সেৱা বাহিনীৰ উদ্যোগত অনুষ্ঠিত কৰা হ'ব এই ধৰ্মীয় অনুষ্ঠান ভাগ ৷ এই লৈ সোমবাৰে 1 নং কাকী খেলপথাৰৰ ডেকাগিৰি সমন্বয় ক্ষেত্ৰত এক উদুলি মুদুলি পৰিবেশত মূল গুৰুগৃহ প্ৰতিষ্ঠা কৰে শ্ৰীমন্ত শংকৰদেৱ সংঘৰৰ বাপ বান্ধৱ সকলে ৷