অগপৰ প্ৰাৰ্থী গুণীন্দ্ৰ নাথ দাসৰ ভোট প্ৰদান

অসমত তৃতীয় পৰ্যায়ৰ ভোটগ্ৰহণত 43 নং বৰপেটা বিধানসভা সমষ্টিৰ অগপৰ প্ৰাৰ্থী গুণীন্দ্ৰ নাথ দাসে ভোট সাব্যস্ত কৰে ৷ পুৱা বৰপেটা সত্ৰত সেৱা জনায় বৰপেটা বিদ্যাপীঠ হায়াৰছেকেণ্ডাৰী স্কুলত স্থাপিত ভোট গ্ৰহণ কেন্দ্ৰত তেওঁ ভোটদান কৰে ৷ শান্তিপূৰ্ণ প্ৰক্ৰিয়াৰে সকলো ৰাইজক ভোটদান অব্যাহত ৰাখিবলৈ আহ্বান জনোৱাৰ লগতে তেওঁ প্ৰায় ২০ টা ভোটগ্ৰহন কেন্দ্ৰৰ পৰিভ্ৰমণ কৰে ৷ উল্লেখ্য যে ৰাইজে তেওঁৰ সপক্ষে ভোটদান কৰা বুলি দাবী কৰে ৷ তেওঁ নিজে জয়যুক্ত হোৱাৰ লগতে তৃতীয় পৰ্যায়ৰ নিৰ্বাচনত 25ৰ পৰা 30খন আসনত জয়যুক্ত হ’ব বুলি দাবী কৰি বৰপেটা জিলাৰ ৫খন আসন লাভ কৰিব বুলি উল্লেখ কৰে ৷ তেওঁ লগতে কয় যে ২০২১ৰ এইবাৰ এখন শক্তিশালী চৰকাৰ গঠন কৰিব ৷