গোলাঘাটত বনকৰ্মীক আক্ৰমণ
কৰ্তব্য পালন কৰিবলৈ যাওঁতে সোমবাৰে গোলাঘাটত পাঁচজনকৈ বনকৰ্মীক আক্ৰমণ কৰে বগীঢলা বাগিচাৰ ৰাইজে ৷ ঘটনাত আঘাতপ্ৰাপ্ত হয় ৰূপকান্ত গগৈ আৰু জেহেৰুদ্দিন আহমেদ নামৰ দুই বনকৰ্মী ৷ এই ঘটনাৰ পাছত সোমবাৰে নিশা গোলাঘাট থানাত এজাহাৰ দাখিল কৰে বনকৰ্মীৰ দলটোৱে ৷ উল্লেখযোগ্য যে, সোমবাৰে পুৱতি নিশা গোলাঘাটৰ বগীধলা চাহ বাগিচাত হাতীৰ আক্ৰমণত নিহত হৈছিল মাতৃ আৰু আঠ বছৰীয়া এটি শিশু ৷ তাৰপিছতে বনকৰ্মীসকলৰ বিৰুদ্ধে ক্ষোভিত হৈছিল বগীধলাৰ ৰাইজ ৷ মৰঙিৰ দাঁতি কাষৰীয়া অঞ্চলত হাতী-মানুহৰ সংঘাত চলি থকাৰ বিপৰীতে বনকৰ্মীসকলে নিজৰ দায়িত্ব সূচাৰুৰূপে পৰিচালনা নকৰাৰ অভিযোগ উত্থাপিত হৈ আহিছে ৷