মহানগৰীত অগ্নিকাণ্ডত মৃত্যু নিৰীহ জন্তুৰ

শনিবাৰে নিশা গুৱাহাটী মহানগৰীৰ বৰা চাৰ্ভিছত ভয়ংকৰ অগ্নিকাণ্ড(Fire) সংঘটিত ৷ শ্ব’ৰ্ট চাৰ্কিটৰ ফলত সংঘটিত হোৱা এই অগ্নিকাণ্ডত অগ্নিদগ্ধ হৈ মৃত্যু হয় কেইবাটাও নিৰীহ জন্তুৰ ৷ বৰা চাৰ্ভিছৰ চিটি পেট শ্বপ নামৰ ব্যৱসায়িক প্ৰতিষ্ঠানখনত নিশা প্ৰায় 1 বজাত অগ্নিকাণ্ড সংঘটিত হোৱা বুলি অগ্নিনিৰ্বাপক বাহিনীয়ে সদৰী কৰিছে ৷ ঘটনাৰ খবৰ পোৱাৰ পাচতে ঘটনাস্থলীত অগ্নিনিৰ্বাপক বাহিনীৰ দুখনকৈ গাড়ী উপস্থিত হৈ জুই নুমাবলৈ সক্ষম হয় । বিক্ৰীৰ বাবে ৰখা 3 টা কুকুৰৰ পোৱালী আৰু 3 টা শহাপহু পিঞ্জৰাৱদ্ধ অৱস্থাত অগ্নিদগ্ধ হৈ মৃত্যুমুখত পৰে ৷