হোজাইৰ ৩টা সমষ্টিত অনুষ্ঠিত ভোটগ্ৰহণ
হোজাই জিলাৰ যমুনামুখ সমষ্টিৰ ১৪ গৰাকী, হোজাই সমষ্টিৰ ৫ গৰাকী আৰু লামডিঙৰ ৭ গৰাকী প্ৰাৰ্থীৰ ভাগ্য নিৰ্ণয় কৰাৰ কৰাৰ বাবে ভোটদান কৰিছে সমষ্টিকেইটাৰ ভোটাৰে । বৃহস্পতিবাৰে তিনিওটা সমষ্টিত মুঠ ৬ লাখ ৯০ হাজাৰ ৩০৭ গৰাকী ভোটাৰে ভোটাধিকাৰ সাব্যস্ত কৰিব । জিলাখনৰ লামডিং সমষ্টিৰ গুড সমাৰিতন ইংলিছ স্কুলৰ ভোটগ্ৰহণ কেন্দ্ৰত পুৱাৰে পৰা অব্যাহত আছে ভোটদান প্ৰক্ৰিয়া । হোজাই জিলাৰ তিনিটা সমষ্টিৰ মুঠ ভোটাৰৰ ভিতৰত ৩৫৫২০৬ গৰাকী পুৰুষ আৰু ৩৩৫০৯১ গৰাকী মহিলা ভোটাৰ । লামডিং সমষ্টিৰ মুঠ ভোটাৰৰ সংখ্যা হ'ল ২০৯৬১১ জন । ইয়াৰ ভিতৰত ১০৭৪৯৮ জন পুৰুষ আৰু ১০২১১১ গৰাকী মহিলা ভোটাৰ । সমষ্টিটোত তৃতীয় লিংগৰ ২ গৰাকী ভোটাৰ আছে ।