অনাড়ম্বৰভাৱে পালন ঈদ-উজ-জোহা - ক'ভিড প্ৰট'কল

বুধবাৰে ইছলাম ধৰ্মাৱলম্বী লোকসকলৰ পবিত্ৰ ঈদ-উল-আজহা বা ঈদ- উজ-জোহা (Eid-ul-Azha) । সমগ্ৰ ৰাজ্যৰ সমান্তৰালকৈ হোজাই জিলাৰ ইছলাম ধৰ্মাৱলম্বী লোকসকলেও অনুষ্টুপীয়াকৈ পালন কৰিছে পবিত্ৰ ঈদ-উজ-জোহা (Eid-ul-Azha)৷ পূৰ্বৰ তুলনাত এইবেলি কোনো জাকজমকতা নাই ৷ কাৰণ কৰ'ণা মহামাৰীয়ে এক আতংকময় পৰিস্থিৰ সৃষ্টি কৰিছে ৷ এই ৰোগৰ পৰা প্ৰতিৰোধ কৰাৰ উদ্দেশ্যে চৰকাৰে জাৰি কৰিছে ক'ভিড প্ৰট'কল (Covid Protocol) ৰ লগতে লকডাউন (Lockdown) । চৰকাৰে জাৰি কৰা ক'ভিড-19ৰ নীতি নিৰ্দেশনা অনুসৰি কেৱল মাত্ৰ পাঁচজন লোকেহে মছজিদত নামাজ পঢ়িব পাৰিব ৷ চৰকাৰে জাৰি কৰা ক'ভিডৰ নীতি-নিৰ্দেশনা মানি ইছলাম ধৰ্মাৱলম্বী লোক সকলে পালন কৰিছে পবিত্ৰ ঈদ-উজ-জোহা । ঈদৰ সমূহীয়া নামাজৰ পৰিৱৰ্তে পৰিয়ালৰ সদস্যসকলৰ মাজতেই সীমাবদ্ধ ৰাখিছে নামাজ ৷ পবিত্ৰ ঈদৰ উপলক্ষে মুখ্যমন্ত্ৰী হিমন্ত বিশ্ব শৰ্মা (CM Himanta Biswa Sarma)য়েও ৰাজ্যবাসীক শুভেচ্ছা জনাইছে ৷