হোজাইত বিধ্বংসী অগ্নিকাণ্ড

মঙলবাৰে হোজাইৰ লংকাস্থিত মাধৱদেৱ পথৰ বলদ্বীপ চৌহান নামৰ এজন লোকৰ ঘৰত সংঘটিত হৈছে এক বিধ্বংসী অগ্নিকাণ্ড । অগ্নিকাণ্ডটোত জাহ যায় চৌহানৰ এটা বাসগৃহ । বিধ্বংসী অগ্নিকাণ্ডটোত গৃহস্থৰ কেইবালাখ টকাৰ ক্ষয়-ক্ষতি হোৱাৰ সম্ভাৱনীয়তাৰ কথা জানিব পৰা গৈছে । ইফালে ঘটনাস্থলীত অগ্নিনিৰ্বাপক বাহিনীৰ বাহন(fire brigade vehicle) পলমকৈ অহাৰ বাবে ব্যক্তিগৰাকীৰ ঘৰটো সম্পূৰ্ণৰূপে জুইত জাহ যোৱাৰ অভিযোগ উত্থাপিত হৈছে ৷ কোনো নথকাৰ সুযোগতে দুৰ্বৃত্তই ঘৰটোত অগ্নি সংযোগ কৰা বুলিও সন্দেহ প্ৰকাশ কৰিছে বলদ্বীপ চৌহানৰ পুত্ৰ দ্বীপ চৌহানে ।