Devastating fire in Nalbari: নৱবৰ্ষৰ প্ৰথম দিনটোতে নলবাৰীত বিধ্বংসী অগ্নিকাণ্ড

নৱবৰ্ষৰ প্ৰথম দিনটোতে নলবাৰীত সংঘটিত হ’ল অগ্নিকাণ্ডৰ ঘটনা (Devastating fire in Nalbari) ৷ নলবাৰী জিলাৰ আকনা বামুণগাঁৱৰ উমেশ কলিতাৰ ঘৰত সংঘটিত হয় এই বিধ্বংসী অগ্নিকাণ্ড । ঘগ্ৰাপাৰ ৰাজহ চক্ৰৰ অন্তৰ্গত আকনা বামুণগাওঁত দিনৰ প্ৰায় ৩ বজাত সংঘটিত অগ্নিকাণ্ডটোৰ ফলত প্ৰায় ৭০ মোন ধানৰ লগতে পৰিয়ালৰটোৰ সকলো নথি-পত্ৰ জুইত জাহ যায় । গোঁহালীত দিয়া ধোঁৱাৰ পৰাই উক্ত অগ্নিকাণ্ডৰ সুত্ৰপাত্ৰ হয় বুলি জানিব পৰা গৈছে ৷