কলাৰ প্ৰথম স্থানত দৰঙৰ খুচবু ফিৰদৌছ - Darrang Holds 5 Position

শনিবাৰে ঘোষিত উচ্চতৰ মাধ্যমিক চূড়ান্ত পৰীক্ষাত উজলি উঠিবলৈ সক্ষম হৈছে দৰং জিলা ৷ জিলাখনৰ পৰা পাঁচগৰাকী কীৰ্তিমানে কলা আৰু বিজ্ঞান শাখাত স্থান দখল কৰিবলৈ সক্ষম হৈছে ৷ কলা শাখাত সৰ্বমুঠ 478 নম্বৰেৰে প্ৰথম স্থান দখল কৰিবলৈ সক্ষম হৈছে ব্ৰিলিয়েন্ট একাডেমীৰ খুচবু ফিৰদৌছে ৷ একেখন শিক্ষানুষ্ঠানৰ পৰাই কলা শাখাত সৰ্বমুঠ 466 নম্বৰেৰে নৱম স্থান লাভ কৰিছে দীপাংকৰ দাসে । ইয়াৰ লগতে ৰঞ্জিত শৰ্মা একাডেমীৰ পৰা কলা শাখাত সৰ্বমুঠ 472 নম্বৰেৰে চতুৰ্থ স্থান লাভ কৰিবলৈ সক্ষম হৈছে জুপিতৰা শৰ্মা আৰু 467 নম্বৰেৰে অষ্টম স্থান দখল কৰিবলৈ সক্ষম হৈছে শ্ৰুতিস্মিতা বশিষ্ঠই ৷ জিলাখনৰ ছিপাঝাৰস্থিত ট্ৰিনিটি জুনিয়ৰ চায়েন্স কলেজৰ পৰা বিজ্ঞান শাখাত সৰ্বমুঠ 473 নম্বৰেৰে পঞ্চম স্থান দখল কৰিবলৈ সক্ষম হৈছে পাৰ্থপ্ৰতিম চহৰীয়াই ৷