লক ডাউনে প্ৰভাৱিত কৰিছে নেকি বাতৰি কাকতৰ চাহিদা !

ইলেক্ট্ৰনিক মাধ্যম আৰু সামাজিক মাধ্যমৰ ব্যাপক প্ৰচলনৰ পিছতো পঢ়ুৱৈৰ তাগিদাত কোনো দিন অস্তিত্বৰ সংকটত ভোগা নাছিল বাতৰি কাকতে ৷ কিন্তু এতিয়া কৰ'ণা ভাইৰাছৰ বাবে সংকট নামি আহিছে ছপা মাধ্যমসমূহলৈ ৷ বাতৰি কাকতৰ যোগেদি কৰ'ণা ভাইৰাছ বিয়পিব পাৰে বুলি সামাজিক মাধ্যমত একাংশই উৰা বাতৰি প্ৰচাৰ কৰাৰ পিছতে এতিয়া হ্ৰাস পাইছে বাতৰি কাকতৰ বিতৰণ ৷ ইয়াৰ লগতে সামাজিক ব্যৱধানৰ বাধ্য বাধকতাই প্ৰভাৱ পেলাইছে বাতৰি কাকত বিতৰণ ব্যৱস্থাত ৷