সম্পূৰ্ণ ক'ভিড প্ৰট'কল মানিয়েই নগাঁৱত অনুষ্ঠিত হ'ব তিৱা স্বায়ত শাসিত পৰিষদৰ নিৰ্বাচন
সম্পূৰ্ণ ক'ভিড প্ৰট'কল ৰক্ষা কৰিয়েই তিৱা স্বায়ত শাসিত পৰিষদৰ নিৰ্বাচন অনুষ্ঠিত কৰিবলৈ সাজু হৈছে নগাঁও জিলা প্ৰশাসন। ক'ভিড পৰিস্থিতিৰ প্ৰতি লক্ষ্য ৰাখি কেতবোৰ বিশেষ ব্যৱস্থা কৰিছে নগাঁও জিলা প্ৰশাসনে। মাস্ক অবিহনে ভোটকেন্দ্ৰত প্ৰৱেশ কৰিব নোৱাৰিব ভোটাৰে। ভোটগ্ৰহণ আৰম্ভ হোৱাৰ পূৰ্বে সম্পূৰ্ণৰূপে চেনিটাইজৰ ব্যৱস্থা কৰা হৈছে ভোটকেন্দ্ৰসমূহত। পলিং আৰু প্ৰিজাইডিং বিষয়াৰ বাবেও প্ৰশাসনৰ পৰা প্ৰদান কৰা হৈছে সাৱধানতা অৱলম্বন কৰিব পৰা সকলো সামগ্ৰী।