আৰক্ষীৰ অস্ত্ৰ কাঢ়ি পলায়নৰ চেষ্টা কৰা চুপাৰী মাফিয়াক Encounter

চুপাৰী চিণ্ডিকেট (Supari syndicate )ৰ সৈতে নাম সাঙোৰ খোৱা মাফিয়া (Supari Mafia) আব্দুল হান্নান মঙলবাৰে নিশা বঙাইগাঁও আৰক্ষী (Bangaigaon Police)ৰ হাতত গুলিবিদ্ধ হয় । বঙাইগাঁও আৰক্ষী (Bangaigaon Police)ৰ জিম্মাৰ পৰা পলায়নৰ চেষ্টা কৰা সময়তে আৰক্ষীৰ গুলিত আহত হয় চুপাৰী মাফিয়া আব্দুল হান্নান । আৰক্ষীয়ে লগে লগে আহত আব্দুল হান্নান ওৰফে বাবলুক বঙাইগাঁও অসামৰিক চিকিৎসালয় (Bangaigaon civil Hospital)ত ভৰ্তি কৰে ৷ বৰ্তমান আব্দুল হান্নান ওৰফে বাবলুক উন্নত চিকিৎসাৰ বাবে গুৱাহাটী মেডিকেল কলেজ হাস্পাতাল (GMCH)লৈ প্ৰেৰণ কৰা হৈছে ৷ বঙাইগাঁও জিলা আৰক্ষী অধীক্ষক স্বপ্ননীল ডেকাই জনোৱা অনুসৰি, বঙাইগাঁৱৰ ছৌৰাগুৰিত বাৰ্মিজ চুপাৰীৰ তদন্তৰ বাবে আৰক্ষীয়ে হান্নানক গুৱাহাটীৰ পৰা বঙাইগাঁৱলৈ আনিছিল । আৰক্ষীৰ দলটোৱে ঘূৰি অহা পথত চাপৰাকাটাত গাড়ী ৰখাই হোটেলত খোৱাৰ ব্যৱস্থা কৰোতে আব্দুল হান্নানে আৰক্ষীৰ অস্ত্ৰ কাঢ়ি পলায়নৰ চেষ্টা চলোৱাত আৰক্ষীয়ে গুলী চালনা কৰিব লগীয়া হয় ৷ এই ঘটনাত দুজন আৰক্ষী জোৱানো আহত হয় ।