স্বাৱলম্বিতাৰ আন এক নাম পিংক অট'

বঙাইগাঁওত নাৰী সৱলীকৰণৰ এক অনন্য উদাহৰণ ৷ নেচনেল আৰবান লাইভলিহুড মিছনৰ অধীনৰ পিংক অট' চলাই বিপ্লৱ আনিছে সুনিতা শাহু নামৰ এগৰাকী স্বামীহীনা মহিলাই ৷ বঙাইগাঁৱৰ দৰে এখন সৰু চহৰত এইদৰে পিংক অট' চলাই নিজৰ পৰিয়ালৰ পোহপাল কৰাৰ উপৰিও চহৰখনৰ নাৰীসকলক এক সুৰক্ষিত যাতায়তৰ পৰিৱেশ দিছে সুনিতাই ৷ এইগৰাকী সুনিতাৰ মনোবল আৰু আত্মবিশ্বাসৰ ওচৰত এতিয়া হাৰ মানিবলৈ বাধ্য হৈছে জীৱনৰ প্ৰতিটো প্ৰত্যাহ্বান ৷ এই সন্দৰ্ভত চাও আহক আমাৰ এক বিশেষ প্ৰতিবেদন ৷