বৰচলা সমষ্টিত কংগ্ৰেছ-বিজেপি প্ৰাৰ্থীৰ মনোনয়ন দাখিল

তেজপুৰ লোকসভাৰ প্ৰাক্তন সাংসদ আৰু দল বাগৰি কংগ্ৰেছত যোগ দিয়া বৰ্তমানৰ বৰচলা সমষ্টিৰ কংগ্ৰেছৰ প্ৰাৰ্থী ৰাম প্ৰসাদ শৰ্মাই আজি মনোনয়ন দাখিল কৰে । মনোনয়ন দাখিলৰ পাচতে তেওঁ কয় যে, বিজেপিয়ে সকলো বিক্ৰী কৰি শেষ কৰিলে আৰু এটাও প্ৰতিশ্ৰুতি ৰক্ষা কৰিব নোৱাৰিলে ৷ আনহাতে, বৰচলা সমষ্টিৰ বৰ্তমানৰ বিধায়ক আৰু বিজেপিৰ প্ৰাৰ্থী গণেশ লিম্বুয়ে কয় যে, কংগ্ৰেছৰ কোনো অস্তিত্ব নাই । বিজেপিৰ দিনত সমষ্টিত বহুতো উন্নয়ন সাধন হৈছে ৷ উল্লেখযোগ্য যে, গণেশ লিম্বুক 2016 চনত বিজেপিৰ প্ৰাৰ্থিত্ব দি দললৈ আনিছিল ৰাম প্ৰসাদ শৰ্মাই ৷