ওদালগুৰিত সাহিত্য সভাৰ বিহু উদযাপন - বহাগ
ৰাজ্যজুৰি উলহ-মালহেৰে উদযাপন কৰা হৈছে ৰঙালী বিহু । ওদালগুৰিতো ব'হাগৰ প্ৰথম দিনটো 'নিজৰ দিন' হিচাপে উদযাপন কৰে ওদালগুৰি সাহিত্য সভাই ৷ অনুষ্ঠানত ওদালগুৰিৰ বিশিষ্ট নাগৰিক তথা ওদালগুৰি জিলা সাহিত্য সভাৰ প্ৰাক্তন সভাপতি মাণিক চন্দ্ৰ শৰ্মা, ওদালগুৰি সাহিত্য সভাৰ প্ৰাক্তন সভাপতি গজেন্দ্ৰ নাথ গায়ন আৰু ওদালগুৰিৰ ধৰ্মপ্ৰাণ মহিলা কৰুণা বৰ্মনক সম্বৰ্ধনা জনায় ওদালগুৰি সাহিত্য সভাই । ইয়াৰ পাচতে সাহিত্য সভাৰ চৌহদত মুকলি বিহু প্ৰদৰ্শন কৰে কণ-কণ শিশুসকলে । আনহাতে পহিলা বহাগৰ দিনটোত ওদালগুৰি আঞ্চলিক ছাত্ৰ সন্থা আৰু অসম জাতীয়তাবাদী যুৱ ছাত্ৰ পৰিষদেও নিজ নিজ কাৰ্যালয়ত সম্বৰ্ধনা অনুষ্ঠান অনুষ্ঠিত কৰি সেৱা জনায় জেষ্ঠজনক ।