থাওৰাত সুশান্ত বৰগোঁহাইৰ জয় নিশ্চিত : ভূৱনেশ্বৰ কলিতা
উপ নিৰ্বাচনৰ বাবে ৰাজ্যৰ আটাইকেইটা ৰাজনৈতিক দলেই এতিয়া বাহৰ পাতিছে থাওৰাত ৷ বিৰোধীৰ লগতে শাসকীয় দলৰ কেন্দ্ৰীয় মন্ত্ৰীৰ পৰা বিধায়কলৈকে সকলো ব্যস্ত এতিয়া থাওৰা সমষ্টিক লৈ ৷ ইয়াৰ মাজতে সোমবাৰে থাওৰাত সুশান্ত বৰগোঁহাইৰ হৈ প্ৰচাৰত নামে ৰাজ্যসভাৰ সাংসদ ভূৱনেশ্বৰ কলিতা ৷ সমষ্টিটোত সুশান্ত বৰগোঁহাইৰ জয় নিশ্চিত বুলি মন্তব্য কলিতাৰ ৷ তেওঁ কয় যে, থাওৰাত পূৰ্বৰ পৰাই কংগ্ৰেছৰ স্থিতি ভাল আছিল কিন্তু সুশান্ত বৰগোঁহায়ে বিজেপিত যোগদান কৰাৰ পাছতে কংগ্ৰেছ পূৰ্বতকৈ দুৰ্বল হৈছে ৷ আনহাতে, অখিল গগৈৰ ৰাইজৰ দলে উপ নিৰ্বাচনত কোনো প্ৰভাৱ পেলাব নোৱাৰে বুলি মন্তব্য কৰে সাংসদগৰাকীয়ে ৷