গামোচাৰ প্ৰতি অসন্মান প্ৰদৰ্শন আজমলৰ !
বতৰৰ বিঘিনি, হাতত সময় নাই আজমলৰ ৷ সম্বৰ্ধনাৰ নামত সময়ৰ অপচয় আৰু অৱশেষত উৰহৰ খং ভগা ঢাৰিত জৰাৰ দৰেই গামোচা দলিয়াই অসমীয়াৰ আবেগত চৰম আঘাত কৰা দেখা গ’ল বদৰুদ্দিন আজমলক ৷ বৰপেটাত অনুষ্ঠিত নিৰ্বাচনী সভাত কৰ্মকৰ্তাসকলে সময়ৰ অপচয় কৰাৰ বাবেই এইদৰে গামোচাৰ ওপৰত ক্ষোভ উজাৰিলে আজমলে ৷ ইফালে এই ঘটনাটোক সহজভাৱে ল’ব পৰা নাই সৰ্বসাধাৰণ ৰাইজে ৷ বতৰৰ বাধা-বিঘিনিৰ বাবে হেলিকপ্তাৰ উৰাত হোৱা অথন্তৰ আৰু পূৰ্ব নিৰ্ধাৰিত কাৰ্যসূচী অনুসৰি সভাত অংশ ল’ব নোৱাৰিব বুলি ভাবিয়েই গামোচাৰ ওপৰতে সমষ্ট খং উজাৰিলে আজমলে ৷