গাজিপুৰত অসমৰ কৃষকে পৰিবেশন কৰিলে বাটৰ নাট "অজেয় কৃষক"

শনিবাৰে জীপাল কৃষক শ্ৰমিক সংঘৰ গণ সাংস্কৃতিক বাহিনীয়ে গাজিপুৰস্থিত অস্থায়ী কৃষক চাৱনিৰ মুক্তাঞ্চলত পৰিবেশন কৰে কৃষক নেতা তথা গণ সাংস্কৃতিক কৰ্মী সোনেশ্বৰ নৰহৰ পৰিকল্পনা আৰু কবি-সাংবাদিক-নাট্যকৰ্মী পল্লৱ হাজৰিকাৰ ৰচনা আৰু পৰিচালনাৰে বাটৰ নাট "অজেয় কৃষক"। বৰ্তমান সময়ৰ কৃষক শ্ৰমিকৰ দুৰৱস্থাৰ এক স্পষ্ট ছবি প্ৰতিফলিত কৰা হয় বাটৰ নাটখনত । নাটখনৰ অভিনয় শিল্পী সকল আছিল বিজু চাওতাল, ভৰত চাহু, দেৱ পেগু, পুতুল নৰহ আৰু পল্লৱ হাজৰিকা ।