এজাক বৰষুণতে বুৰিল যোৰহাট চহৰ
যোৰহাট চহৰত কৃত্ৰিম বান (Artificial Flood)ৰ সমস্যা সামাধানৰ বাবে কেইবাখনো আঁচনি ৰূপায়নৰ নামত কোটি কোটি টকা খৰচ কৰা হৈছে যদিও চহৰখনত বৰ্তমানলৈ সমাধান নহ’ল কৃত্ৰিম বান (Artificial Flood)ৰ সমস্যা । বুধবাৰে নিশা যোৰহাটত হোৱা প্ৰৱল বৰষুণৰ ফলত বৃহস্পতিবাৰে যোৰহাট নগৰৰ আতিলা গাঁও, কুশল নগৰ, দহাবৰা চুক, তৰাজান, ন-আলিকে ধৰি কেইবাটাও অঞ্চল জলমগ্ন হয় । অনহাতে, বহুলোকৰ ঘৰৰ ভিতৰতো সোমাই পানী । যোৰহাট চহৰৰ ন-আলিত নিৰ্মীয়মান উৰণীয়া সেঁতু (Fly over)ত পানী নিষ্কাশনৰ বাবে বৈজ্ঞানিক পদ্ধতিৰে নলা নিৰ্মাণ নকৰাৰ বাবে এতিয়া জিলাখনত কৃত্ৰিম বানৰ সৃষ্টি হৈছে বুলি একাংশ ৰাইজে অভিযোগ কৰিছে । যোৰহাটৰ কৃত্ৰিম বান (Artificial Flood)সমস্যাৰ স্থায়ী সামাধানৰ বাবে চৰকাৰ তথা প্ৰশাসনে কোনো স্থায়ী ফলপ্ৰসূ আঁচনি ল’ব নোৱাৰাটো এক দুৰ্ভাগ্যজনক কথা বুলি উল্লেখ কৰিছে স্থানীয় ব্যক্তিয়ে ৷