21 জুনৰ বিয়লী মহা অম্বুবাচীৰ শুভাৰম্ভণি

গুৱাহাটী, 12 জুনঃ ২২জুনৰ পৰা ২৫জুনলৈ মা কামাখ্যা ধামত অনুষ্ঠিত হ'ব মহা অম্বুবাচী মেলা । অম্বুবাচী উপলক্ষ্যে প্ৰস্তুতি প্ৰায় সম্পূৰ্ণ কৰিছে চৰকাৰ তথা প্ৰশাসনে । ২১জুনত বিয়লি ৪বজাত মহানগৰীৰ সোণাৰাম খেলপথাৰত অনুষ্ঠিত হ'ব অম্বুবাচীৰ শুভাৰম্ভণি অনুষ্ঠান। শুভাৰম্ভণি অনুষ্ঠানত উপস্থিত থাকিব কেন্দ্ৰীয় পৰ্যটন মন্ত্ৰী প্লহাদ সিং পেটেল, মুখ্যমন্ত্ৰী সৰ্বানন্দ সোণোৱাল, বিত্তমন্ত্ৰী ডঃ হিমন্ত বিশ্বকে ধৰি বহুকেইগৰাকী বিশিষ্ট ব্যক্তি । তাৰোপৰি শুভাৰম্ভণি অনুষ্ঠানত ভক্তিমূলক গীত পৰিৱেশন কৰিব বলীউডৰ জনপ্ৰিয় সংগীত পৰিচালক তথা কণ্ঠশিল্পী কৈলাশ খেৰে । বুধবাৰে মহানগৰীৰ পল্টনবজাৰস্থিত অসম পৰ্যটন ভৱনত এক সংবাদমেল সম্বোধন কৰি এই কথা জনালে অসম পৰ্যটক উন্নয়ন নিগমৰ অধ্যক্ষ জয়ন্ত মল্ল বৰুৱাই ।