সৰ্বানন্দ সোণোৱালক সৰ্বকালৰ ব্যৰ্থ মুখ্যমন্ত্ৰী আখ্যা অখিল গগৈৰ
সৰ্বানন্দ সোণোৱাল ৰাজ্যৰ সৰ্বকালৰ ব্যৰ্থ মুখ্যমন্ত্ৰী। নিজৰ গৃহবিভাগকে চম্ভালিব নোৱাৰে মুখ্যমন্ত্ৰী সৰ্বানন্দ সোণোৱালে ৷ শনিবাৰে সংবাদ মাধ্যমৰ আগত এইদৰে নিজৰ ক্ষোভ উজাৰিলে কৃষক নেতা অখিল গগৈয়ে। মুখ্যমন্ত্ৰী সৰ্বানন্দ সোণোৱালে অসম আৰক্ষীৰ উপ-আৰক্ষী পদৰ পৰীক্ষাত সংঘটিত কেলেংকাৰীৰ তদন্ত সঠিক ৰূপত পৰিচালিত হোৱাতো বিচৰা নাই ৷ সেয়েহে ইয়াৰ তদন্ত চিবিআইক নিজৰ হাতলৈ নিয়াৰ বাবে আহ্বান কৃষক নেতাগৰাকীৰ ৷ সমান্তৰালকৈ অসম জাতীয় পৰিষদৰ ওপৰতো মন্তব্য তৰে কৃষক নেতাগৰাকীয়ে ৷ অসম জাতীয় পৰিষদ গঠন কৰি সদৌ অসম ছাত্র সন্থাই এটা ঐতিহাসিক ভুল কৰিলে । এটা দল, এখন পতাকা, আৰু এটা প্ৰতিক নহ'লে বিজেপি কংগ্ৰেছক পৰাভূত কৰাটো সম্ভৱ নহয় বুলি মন্তব্য অখিল গগৈৰ ৷ উল্লেখ্য যে, কৰ’ণা মহামাৰীত আক্ৰান্ত হৈ গুৱাহাটী চিকিৎসা মহাবিদ্যালয়ত চিকিৎসাধীন হৈ আছিল অখিল গগৈ ৷ সম্প্ৰতি তেখেত কৰ’ণাৰ পৰা মুক্ত হৈছে যদিও কাণৰ বিষত আক্ৰান্ত হোৱা বুলি জানিবলৈ দিছে স্বাস্থ্য বিভাগে ৷