২০২১ বৰ্ষৰ চুকাফা বঁটা জুবিন গাৰ্গলৈ

জনপ্ৰিয় কণ্ঠশিল্পী জুবিন গাৰ্গক ২০২১ বৰ্ষৰ চুকাফা বঁটা প্ৰদান কৰিব অসম জাতীয়তাবাদী যুৱ ছাত্ৰ পৰিষদে(AJYCP to give Chukafa award to Zubeen)। সোণাৰিত অনুষ্ঠিত অসম জাতীয়তাবাদী যুৱ ছাত্ৰ পৰিষদৰ চুকাফা দিৱসত এই বঁটা প্ৰদানৰ কথা ঘোষণা কৰে সংগঠনটোৰ সাধাৰণ সম্পাদক পলাশ চাংমায়ে(AJYCP GS Palash Changmai) । প্ৰথম বাৰৰ বাবে AJYCP য়ে জুবিন গাৰ্গলৈ ঘোষণা কৰে এই বঁটা । চৰাইদেউৰ সোণাৰিত অসম জাতীয়তাবাদী যুৱ ছাত্ৰ পৰিষদৰ চুকাফা দিৱসত সংগীতানুষ্ঠান পৰিৱেশন কৰিবলৈ আহিছিল জুবিন গাৰ্গ আৰু এই অনুষ্ঠানৰ মাজতে জুবিন গাৰ্গৰ উপস্থিতিত সংগঠনটোৰ নেতৃত্বই ঘোষণা কৰে বঁটা প্ৰদানৰ কথা । গুৱাহাটীৰ এক অনুষ্ঠানত জুবিন গাৰ্গক প্ৰদান কৰিব এই বঁটা ।