উজনিত বিধ্বস্ত হৈ পৰিছে বিজেপি : জগদীশ ভূঞা - অসম জাতীয় পৰিষদ
বৃহস্পতিবাৰে পূব গুৱাহাটী সমষ্টিৰ দলীয় প্ৰাৰ্থী অদীপ কুমাৰ ফুকনৰ নিৰ্বাচনী ইস্তাহাৰ মুকলি অনুষ্ঠানত অংশগ্ৰহণ কৰি বিজেপি চৰকাৰক কঠোৰ ভাষাৰে সমালোচনা কৰে অসম জাতীয় পৰিষদৰ সাধাৰণ সম্পাদক জগদীশ ভূঞাই ৷ তেওঁ কয় যে, অসমত এইবাৰ পৰিবৰ্তন হ'ব আৰু অসমৰ ৰাইজে বিজেপিৰ পৰা পৰিত্ৰাণ পাব ৷ কোনো কাৰণতে অসমত এইবাৰ 'কা' বিৰোধী শক্তিক তথা আঞ্চলিকতাবাদী ধ্যান-ধাৰণাক বাদ দি এখন চৰকাৰ প্ৰতিষ্ঠা হ'ব নোৱাৰে । প্ৰথম পৰ্যায়ৰ নিৰ্বাচনত অসম জাতীয় পৰিষদে বিপুল সফলতা লাভ কৰিব । উজনিত বিজেপি বিধ্বস্ত হৈ পৰিছে বুলি মন্তব্য কৰে সাধাৰণ সম্পাদক গৰাকীয়ে ৷