Zubeen Garg Program: জুবিন গাৰ্গৰ সংগীতানুষ্ঠানত উদণ্ড লোকে ভাঙিলে চকী

নলবাৰী, 26 অক্টোবৰ: নলবাৰীৰ ধমধমাত নিশা অনুষ্ঠিত হোৱা জুবিন গাৰ্গৰ সংগীতানুষ্ঠানত উদ্ভণ্ডালি একাংশ যুৱকৰ ৷ চকী ভাগিলে একাংশ উদণ্ড যুৱকে ৷ নলবাৰী জিলাৰ ধমধমা আঞ্চলিক দুৰ্গা পূজাৰ শতবাৰ্ষিকী উপলক্ষে ধমধমা উচ্চ মাধ্যমিক বিদ্যালয় খেলপথাৰত যোৱা নিশা অনুষ্ঠিত হৈছিল জুবিন গাৰ্গৰ সংগীতানুষ্ঠান ৷ উক্ত অনুষ্ঠানতে সৃষ্টি হয় বিশৃংখল পৰিস্থিতিৰ ।

একাংশ উদণ্ড লোকে শতাধিক চকী ভাগি দিয়ে । জানিব পৰা মতে, জুবিন গাৰ্গে মঞ্চত সংগীত পৰিৱেশন কৰি থকাৰ সময়তে একাংশ লোকে বিশৃংখল পৰিৱেশৰ সৃষ্টি কৰে ৷ আয়োজক কমিটিয়ে জানিবলৈ দিয়া অনুসৰি, প্ৰায় 100 খনৰো অধিক চকী ভাগি দিয়া হৈছে ৷ ধুনীয়াকৈ সংগীতানুষ্ঠান চলি আছিল, কিন্তু একাংশ লোকে হুলস্থলীয়া পৰিৱেশৰ সৃষ্টি কৰে ৷ যাৰ বাবে এই সমূহ চকী ভাগি দিয়ে উদণ্ড লোকে ৷ 

লগতে পঢ়ক:Fire Break Out: বিধ্বংসী জুইত ছাই হ’ল এটা ঘৰ, 100 কুইণ্টল মৰাপাট