জুবিন গাৰ্গ ফেন ক্লাবৰ সহযোগত নাজিৰাত স্বাস্থ্য শিবিৰৰ আয়োজন - জুবিন গাৰ্গ ফেন ক্লাব

জুবিন ফেন ক্লাবৰ ব্যতিক্ৰমী প্ৰয়াস ৷ দেওবাৰে নাজিৰাৰ এম চি ক্লাবত জুবিন গাৰ্গ ফেন ক্লাব আৰু অৰিয়ন’চ আয়ুৰ্বেদ সিদ্ধা য়ুনানীৰ সহযোগিতাত এক স্বাস্থ্য সজাগতা সভাৰ লগতে স্বাস্থ্য পৰীক্ষা শিবিৰ অনুষ্ঠিত কৰা হয় (Zubeen Garg fan club organized a health camp at Nazira)৷ সমাজৰ একাংশ লোকে ধন ব্যয় কৰি চিকিৎসা কৰিব নোৱাৰে, সেইবাবে এই স্বাস্থ্য শিবিৰৰ জৰিয়তে সকলো লোককে বিনামূলীয়াকৈ চিকিৎসা সুবিধা প্ৰদান কৰা হৈছে ৷ জুবিন গাৰ্গে (Zubeen Garg) যি মহৎ উদ্দেশ্যৰে ৰাইজৰ হকে কাম কৰে সেই আদৰ্শকে সৰোগত কৰি জুবিন গাৰ্গ ফেন ক্লাবেও (Zubeen Garg fan club) অনাগত দিনত এনেধৰণৰ সমাজৰ হিতে কাম হাতত লব বুলি জানিবলৈ দিয়ে ফেন ক্লাবৰ সদস্যসকলে ৷ জনসাধাৰণৰ সুস্থ জীৱন আৰু নিৰোগী স্বাস্থ্যৰ প্ৰতি লক্ষ্য ৰাখি আয়োজিত স্বাস্থ্য সজাগতা সভাত উপস্থিত থাকে স্বাস্থ্য উপদেশক ক্ৰমে পৰাগ ৰাজবংশী, ৰংমন পায়েং, সুস্থতা উপদেশক ক্ৰমে প্ৰফুল্ল হাজৰিকা আৰু যশোদা হাজৰিকা লগতে সুমন হাজৰিকা আৰু মৌচুম দত্ত ৷ উক্ত স্বাস্থ্য শিবিৰত নাজিৰাৰ ভিন্ন প্ৰান্তৰ প্ৰায় শতাধিক ব্যক্তিয়ে অংশগ্ৰহণ কৰি নিজৰ স্বাস্থ্য পৰীক্ষা কৰায় ৷