Ziyad Ahmed won Gold Medal: ৰাষ্ট্ৰীয় প্ৰেক্ষাপটত উজ্বলিল বশিষ্ঠৰ জীয়াদ আহমেদ
গুৱাহাটী,২০ মাৰ্চ: ৰাষ্ট্ৰীয় প্ৰেক্ষাপটত উজ্বলিছে অসমৰ সন্তান । অল ইণ্ডিয়া ইণ্টাৰ ছাই চেম্পিয়নশ্বিপত জিলিকিল বশিষ্ঠৰ জীয়াদ আহমেদ (Gymnastics player Ziyad Ahmed) । অল ইণ্ডিয়া ইণ্টাৰ ছাই চেম্পিয়নশ্বিপৰ জিমনাষ্টিক খেলত পাৰদৰ্শিতা দেখুৱাই অসমলৈ সন্মান কঢ়িয়াই আনিছে জীয়াদ আহমেদে (Ziyad Ahmed won Gold Medal in Gymnastics) ।
অতি দৰিদ্ৰ পৰিয়ালৰ জীয়াদ আহমেদে শেহতীয়াকৈ অনুস্থিত হৈ যোৱা অল ইণ্ডিয়া ইণ্টাৰ ছাই চেম্পিয়নশ্বিপত জিমনাষ্টিক খেলত তিনিটা সোণ আৰু দুটা ব্ৰঞ্জ মুঠ পাঁচটাকৈ পদক বুটলিবলৈ সক্ষম হয় (Ziyad Ahmed won Gold Medal) । নিজৰ চেষ্টা আৰু অধ্যাৱসায়ৰ বলত অল ইণ্ডিয়া ইণ্টাৰ ছাই চেম্পিয়ন শ্বিপত পদক বুটলিবলৈ সক্ষম হোৱা জীয়াদ আহমেদ নৱম শ্ৰেণীৰ ছাত্ৰ ।
জিনমাষ্টিক খেলৰ অল ৰাউণ্ড, পমেল হৰ্ছ আৰু ৰিং শাখাত সোণৰ লগতে ফ্লৰ আৰু ভলটিং টেবিলত ব্ৰঞ্জৰ পদক বুটলিবলৈ সক্ষম হয় জীয়াদে । প্ৰচুৰ সম্ভাৱনা থকা খেলুৱৈগৰাকী বৰ্তমান জলপাইগুৰি ছাইত প্ৰশিক্ষণৰত । এই প্ৰতিযোগিতাৰ পূৰ্বেও আন আন জিলাভিত্তিক আৰু ৰাজ্যিক পৰ্যায়ৰ খেলত পদক বুটলি সুনাম কঢ়িয়াইছে জীয়াদ আহমেদে (All India Inter Sai Championship) ।