Youth dies of drug overdose : অত্যাধিক ড্ৰাগছ সেৱনৰ ফলত যুৱকৰ মৃত্যু

জোনাই, ৪ ছেপ্টেম্বৰ: ধেমাজি জিলাৰ জোনাইৰ উদয়পুৰত সোমবাৰে পুৱাই এজন যুৱকৰ মৃতদেহ উদ্ধাৰ হোৱা ঘটনাক লৈ অঞ্চলটোত তীব্ৰ চাঞ্চল্যৰ সৃষ্টি হৈছে ৷ পুৱাই উদয়পুৰৰ এঘৰ লোকৰ পিচফালে থকা প্ৰস্ৰাৱগাৰৰ কাষত এজন যুৱকৰ মৃতদেহ প্ৰত্যক্ষ কৰে ঘৰৰ এগৰাকী মহিলাই ৷ লগে লগে গাঁৱৰ ৰাইজে উপস্থিত হৈ জোনাই আৰক্ষীক ঘটনা সন্দৰ্ভত খবৰ দিয়ে ৷ লগে লগে খবৰ পাই জোনাই আৰক্ষী ঘটনাস্থলীত উপস্থিত হৈ তদন্ত অব্যাহত ৰাখিছে ৷ মৃত যুৱকজন জোনাই উদয়পুৰ গাঁৱৰ লক্ষীধৰ সোণোৱাল (২৮) বুলি জানিব পৰা গৈছে।

জানিব পৰামতে যুৱকজনে দীৰ্ঘদিনৰ পৰা ড্ৰাগছ সেৱন কৰি আহিছে। যাৰ ফলত অধিক ড্ৰাগছ সেৱনৰ ফলত যুৱকজন মৃত্যু হোৱাৰ সন্দেহ কৰিছে স্থানীয় ৰাইজে। মৃত যুৱকজনৰ মৃতদেহৰ কাষৰ পৰা বহু নিচাজাতীয় সামগ্ৰীও উদ্ধাৰ কৰা হৈছে আৰক্ষীয়ে ৷

লগতে পঢ়ক:Amguri Murder: পিতা পুত্ৰই মিলি হত্যা কৰিলে সহকৰ্মীক !