Suspected Murder Case: জালান চাহ বাগিচাত যুৱকৰ মৃতদেহ উদ্ধাৰ; হত্যাৰ সন্দেহ

মৰাণ, 4 এপ্ৰিল: ডিব্ৰুগড়ৰ চিৰিং চাপৰি-মিলন নগৰ সংযোগী পথত সন্দেহজনক হত্যাকাণ্ডৰ ঘটনা সংঘটিত হৈছে (Suspected Murder Case) ৷ ডিব্ৰুগড়ৰ জালান চাহ বাগিচাৰ সমীপত AS 06 AG1154 নম্বৰৰ এখন স্কুটীত পৰি থকা অৱস্থাত এজন যুৱকৰ মৃতদেহ উদ্ধাৰ কৰা হয় (Youth body recovered) ৷  

মৃত যুৱকজন ডিব্ৰুগড়ৰ টেপৰগাঁৱৰ বিদ্যুৎ শইকীয়া বুলি জানিব পৰা গৈছে । স্থানীয় লোকে জানিবলৈ দিয়া অনুসৰি মৃত যুৱকজনৰ সৈতে আন দুজন যুৱকো স্কুটীখনত গৈ আছিল (Suspected youth Murder case in Dibrugarh)৷  মৃত যুৱকজনক দুয়োজন যুৱকৰ মাজত বহুৱাই অনা হৈছিল । স্কুটীত অহা অৱস্থাত যুৱকজন সাধাৰণ অৱস্থাত নাছিল বুলি সদৰী কৰে স্থানীয় লোকে ৷ ইয়াৰ পিচতে আন দুজন যুৱকে কোনো নথকাৰ সুযোগ লৈ স্কুটীৰ সৈতে যুৱকজনক পেলাই যোৱাৰ সন্দেহ প্ৰকাশ কৰে স্থানীয় লোকে ৷  

ইতিমধ্যে ঘটনা সন্দৰ্ভত আৰক্ষীক অৱগত কৰাৰ পিচতেই ঘটনাস্থলীত আৰক্ষী উপস্থিত হৈ তদন্ত প্ৰক্ৰিয়া আৰম্ভ কৰিছে ৷ আৰক্ষীয়ে যুৱকজনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷ পৰৱৰ্তী সময়ত আৰক্ষীৰ তদন্ততহে প্ৰকৃত ঘটনা পোহৰলৈ আহিব ৷

লগতে পঢ়ক:Armed robbers at Basistha: বশিষ্ঠত পিষ্টল দেখুৱাই মহিলাক প্ৰাণে মৰাৰ ভাবুকি দুৰ্বৃত্তৰ