Youth arrested: অশ্লীল ভিডি'অত যুৱতীৰ ফটো ব্যৱহাৰ কৰি ৰঙাঘৰলৈ যুৱক
মাজুলী, 11 আগষ্ট :মাজুলীত জঘন্য ঘটনা ৷ অশ্লীল ভিডি'অত যুৱতীৰ ফটো ব্যৱহাৰ কৰি আৰক্ষীৰ জালত পৰিল এজন যুৱক । অশ্লীল ভিডিঅ’ত যুৱতীৰ ফটো ব্যৱহাৰ কৰি ভিডি'অ ভাইৰেল কৰিছিল মাজুলীৰ বৰবিল গাঁৱৰ নিৰোত্তম সেনাপতি নামৰ এজন যুৱকে ৷ ভিডিঅ’টো ভাইৰেল কৰাৰ পিচতে যুৱকজনৰ বিৰুদ্ধে এগৰাকী মহিলাই বনগাঁও আৰক্ষী চকীত গোচৰ ৰুজু কৰিছিল ৷
বনগাঁও আৰক্ষী চকীৰ ভাৰপ্ৰাপ্ত বিষয়া দিব্যজ্যোতি সোণোৱালৰ নেতৃত্বত যোৱা এটা দলে বৃহস্পতিবাৰে নিশা মাজুলীৰ বৰবিল গাঁৱৰ নিজ বাসগৃহৰ পৰা গ্ৰেপ্তাৰ কৰে নিৰোত্তম সেনাপতি নামৰ যুৱকজনক । যুৱকজনৰ বিৰুদ্ধে মাজুলী থানাত 74/23 292A, 293, 354ipc&67 it act ৰ অধীনত গোচৰ পঞ্জীয়ন কৰা হৈছে ৷ সম্প্ৰতি বনগাঁও আৰক্ষীয়ে মাজুলী আদালতত যুৱকজনক হাজিৰ কৰি ন্যায়িক জিম্মালৈ প্ৰেৰণ কৰিছে ।
লগতে পঢ়ক:Cyber criminal detained: নগাঁও আৰক্ষীৰ জালত তিনি দুধৰ্ষ চাইবাৰ অপৰাধী