বঙাইগাঁৱত চাৰ্কাছ দেখুওৱাৰ নামত অশ্লীল নৃত্য যুৱক-যুৱতীৰ - Bongaigaon Police

মাণিকপুৰ, 22 নৱেম্বৰ : চাৰ্কাছ দেখুওৱাৰ নামত একাংশ যুৱক-যুৱতীৰ উদ্দাম নৃত্য ৷ বঙাইগাঁৱৰ মূলবাৰী মাত্ৰাঘোলাত এই ঘটনা ৷  যাক লৈ স্থানীয় ৰাইজৰ মাজত প্ৰতিক্ৰিয়াৰ সৃষ্টি হৈছে ৷ উল্লেখ্য যে, কণ-কণ শিশুক চাৰ্কাছ দেখুওৱাৰ নামত অশ্লীল নৃত্য প্ৰদৰ্শন কৰিছে ‘ওম জ্যোতি চাৰ্কাছ’ নামৰ চাৰ্কাছৰ দলটোৱে ৷  

উল্লেখ্য যে, মাত্ৰ কেইদিনমানৰ পাচতে মেট্ৰিক আৰু উচ্চতৰ মাধ্যমিকৰ চূড়ান্ত বৰ্ষৰ পৰীক্ষা অনুষ্ঠিত হ’ব ৷ তেনে সময়তে চাৰ্কাছস্থলীত মাজনিশালৈকে উচ্চস্বৰত শব্দ যন্ত্ৰ ব্যৱহাৰৰ বাবে অসুবিধাৰ সন্মুখীন হৈছে উক্ত অঞ্চলটোৰ পৰীক্ষাত অৱতীৰ্ণ হ’বলগীয়া ছাত্ৰ-ছাত্ৰীসকল ৷ এই অভিযোগ উত্থাপন কৰিছে ৰাইজে ৷ কিন্তু এইক্ষেত্ৰত আৰক্ষী-প্ৰশাসনে কোনো পদক্ষেপ গ্ৰহণ নকৰাৰ অভিযোগ কৰিছে ৰাইজে ৷ 

লগতে পঢ়ক:ধন নিদিলে অৰুণোদয় আঁচনিত অন্তৰ্ভুক্ত নকৰোৱাৰ অভিযোগ