Tense situation in Sonari: সোণাৰিৰ জাপিধৰাত সংকটজনক অৱস্থাত যুৱতী উদ্ধাৰ

সোণাৰিৰ জাপিধৰাত সংকটজনক অৱস্থাত যুৱতী উদ্ধাৰ (Young Girl found in critical condition)। কাকতিববাৰী আৰক্ষী থানাৰ অন্তৰ্গত জাপিধৰাৰ এগৰাকী যুৱতীক মূমূৰ্ষু অৱস্থাত উদ্ধাৰ কৰিছে পৰিয়ালৰ লোকে । জানিব পৰা মতে সন্ধিয়া 5 বজাত ঘৰৰ ওচৰতে ফুৰিবলৈ ওলাই গৈছিল যুৱতীগৰাকী । কিন্তু বহু সময় ধৰি ঘৰলৈ উভতি নহাত পৰিয়ালৰ লোকে বিচাৰ খোচাৰ কৰাত ঘৰৰ পাছফালে থকা পুখুৰীৰ পাৰত উদ্ধাৰ হয় যুৱতীগৰাকী । সংকটজনক অৱস্থাত উদ্ধাৰ হোৱা যুৱতীগৰাকীৰ মূৰত আঘাতৰ চিন পোৱা গৈছে । ইতিমধ্যে ঘটনা সন্দৰ্ভত কাকতিবাৰী আৰক্ষীক অৱগত কৰাত আৰক্ষীয়ে ঘটনাস্থলীত উপস্থিত হোৱাৰ লগতে অনুসন্ধান অব্যাহত ৰাখিছে । আনহাতে যুৱতীগৰাকীক চিকিৎসাৰ বাবে চিকিৎসালয়লৈ প্ৰেৰণ কৰা হৈছে ।