লংপতীয়া হাবিত মহিলাৰ অৰ্ধনগ্ন মৃতদেহ উদ্ধাৰ; শৰীৰত আঘাতৰ চিন স্পষ্ট

মৰাণ, 10 ডিচেম্বৰ : চৰাইদেউ জিলাৰ সোণাৰিৰ লংপতীয়া হাবিত চাঞ্চল্যকৰ হত্যাকাণ্ডৰ ঘটনা সংঘটিত হৈছে ৷ অচিনাক্ত দুৰ্বৃত্তই লংপতীয়া হাবিৰ বাসিন্দা এগৰাকী 50 ৰ উৰ্ধৰ মহিলাক হত্যা কৰি পেলাই থৈ যায় পথাৰত । মহিলাগৰাকীৰ বুকু আৰু ডিঙিত আঘাতৰ চিন স্পষ্ট হৈ পৰিছে ৷ পৰিয়ালৰ লোকে জানিবলৈ দিয়া মতে, নিহত মহিলাগৰাকীয়ে শনিবাৰে নিশা চুবুৰীয়া এঘৰত সকাম খাবলৈ গৈছিল । তাৰ পিচৰে পৰাই নিখোঁজ হৈ আছিল মহিলাগৰাকী ৷ 

দেওবাৰে পুৱা নিজ বাসগৃহৰ ওচৰৰে পথাৰত মহিলাগৰাকীৰ মৃতদেহ উদ্ধাৰ হোৱাত তীব্ৰ চাঞ্চল্যৰ সৃষ্টি হৈছে । মহিলাগৰাকীৰ দেহৰ কাপোৰ মৃতদেহৰ পৰা দূৰৰ পথাৰত পৰি থকাৰ লগতে বিভিন্ন স্থানত তেজৰ দাগ স্পষ্টৰূপে পৰিলক্ষিত হৈছে ৷ ইতিমধ্যে আৰক্ষী ঘটনাস্থলীত উপস্থিত হৈ তদন্ত আৰম্ভ কৰিছে । সম্প্ৰতি মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে ৷

লগতে পঢ়ক:ভেটাপাৰাত নিশা গাত কেৰাচিন ঢালি আত্মহত্যা এজনৰ