Woman electrocuted: নগাঁৱত বিদ্যুৎস্পৃষ্ট হৈ মহিলাৰ মৃত্যু

নগাঁও, 11 অক্টোবৰ : নগাঁৱত কৰুণ ঘটনা। বিদ্যুৎস্পৃষ্ট হৈ এগৰাকী মহিলাৰ কৰুণ মৃত্যু ৷ বুধবাৰে নগাঁও আদৰ্শ পাইকাৰী শাক-পাচলিৰ বজাৰত সংঘটিত হয় এই ঘটনা। এখন হোটেলৰ পিচফালে থকা এখন জংঘল চাফা কৰিবলৈ গৈ বিদ্যুৎস্পৃষ্ট হৈ মৃত্যুমুখত পৰে মহিলাগৰাকী। নিহত মহিলা গৰাকী সমলা খাতুন (56) বুলি জানিব পৰা গৈছে। 

বজাৰখনতেই এখন সৰু হোটেল খুলি জীৱন নিৰ্বাহ কৰিছিল মহিলাগৰাকীয়ে। বিদ্যুৎ বিভাগৰ গাফিলতিৰ বাবেই মহিলা গৰাকীয়ে মৃত্যুক আকোঁৱালি লোৱাৰ অভিযোগ উত্থাপন কৰে স্থানীয় ৰাইজে ৷ মহিলাগৰাকীৰ মৃত্যুত অঞ্চলটোত শোঁকৰ ছা পৰিছে ৷ 

স্থানীয় লোকে জানিবলৈ দিয়ামতে মহিলাগৰাকীৰ আৰ্থিক অৱস্থা একেবাৰে শোচনীয় ৷ তেওঁ যেনেতেনে জীৱন নিৰ্বাহ কৰি আছিল ৷ এতিয়া মহিলাগৰাকীৰ অন্ত্যোষ্টিক্ৰিয়াৰ বাবে স্থানীয় লোকসকলে ধন সংগ্ৰহ কৰি পৰিয়ালটোক সকাহ দিয়াৰ চেষ্টা কৰিব ৷

লগতে পঢ়ক:Firing Incident: যোৰহাটত দিন দুপৰতে গুলীচালনা, সংকটজনক অৱস্থা গুলীবিদ্ধ যুৱকৰ