জামুগুৰিহাটত বজ্ৰ পৰি মহিলাৰ কৰুণ মৃত্যু

শোণিতপুৰত সংঘটিত হৈছে এক শোকাৱহ ঘটনা ৷ জামুগুৰিহাটত বজ্ৰপাতৰ ফলত এগৰাকী মহিলাই মৃত্যুক সাৱটি ল'বলগীয়া হয় (Woman died in lightning strike at Jamugurihat) । মৃত মহিলাগৰাকী চিলনীপাম বৰদিকৰাইৰ ৩১ বছৰীয়া মঞ্জুলিকা নৰহ বুলি জানিব পৰা গৈছে । জানিব পৰা মতে পথাৰলৈ ভূঁই ৰুবলৈ গৈছিল মহিলাগৰাকী । কিন্তু পুৱা প্ৰায় ৭ মান বজাত ভূঁই ৰুই থকা অৱস্থাতে বজ্ৰ পৰি মহিলাগৰাকীৰ মৃত্যু হয় । এই কৰুণ ঘটনাটোৰ পাছতে শোকত ভাগি পৰিছে মহিলাগৰাকীৰ পৰিয়াল । ইফালে গাঁওখনতো শোকাকুল পৰিৱেশে বিৰাজ কৰিছে ।