Man detained with ganja in Tinsukia:তিনিচুকীয়াত বুজন পৰিমাণৰ গাঞ্জাসহ আটক এটা সৰবৰাহকাৰী - তিনিচুকীয়াত বুজন পৰিমাণৰ গাঞ্জা
তিনিচুকীয়া, 29 জুলাই : তিনিচুকীয়াত আৰক্ষীয়ে প্ৰতিটো দিনতে অব্যাহত ৰাখিছে মাৰাত্মক ড্ৰাগছ, গাঞ্জাৰ বিৰুদ্ধে অভিযান ৷ শুকুৰবাৰে আবেলি তিনিচুকীয়াত আৰক্ষীয়ে জব্দ কৰে বুজন পৰিমাণৰ গাঞ্জা ৷ তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোহাঁইৰ নেতৃত্বত চহৰ পৰিদৰ্শক ৰিয়াজ আলীৰ সহযোগত আৰক্ষীৰ এটা দলে পশ্চিমবংগৰ পৰা তিনিচুকীয়ালৈ গাঞ্জাখিনি লৈ অনাৰ সময়তে বিশেষ খবৰৰ ভিত্তিত অভিযান চলাই তিনিকোণীয়াত জব্দ কৰিবলৈ সক্ষম হয় ৷
৮ কেজি গাঞ্জাসহ আটক কৰা ব্যৱসায়ীটোৰ নাম আছিবুদ্দিন ৷ গাঞ্জাখিনি জব্দ কৰাৰ লগতে তিনিচুকীয়া আৰক্ষীয়ে অধিক তথ্যৰ সন্ধানত অব্যাহত ৰাখিছে মাৰাথন জেৰা ৷ এইসন্দৰ্ভত তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোহাঁইয়ে জানিবলৈ দিয়া অনুসৰি গাঞ্জাখিনি পশ্চিমবংগৰ পৰা তিনিচুকীয়ালৈ অনা হৈছিল বিক্ৰীৰ বাবে ৷ এতিয়া সমগ্ৰ ঘটনাৰ তদন্ত অব্যাহত ৰখা হৈছে ৷
লগতে পঢ়ক :Drug Peddling in Assam:মৰিগাঁৱত আৰক্ষীৰ জালত কুখ্যাত গাঞ্জা সৰবৰাহকাৰী