Voters Party International : জোনাইৰ পৰা ধুবুৰীলৈ ভোটাৰ্চ পাৰ্টী ইন্টাৰনেচনেলৰ পদ যাত্ৰা - Voters Party International in Biswanath

বিশ্বনাথ, ২০ অক্টোবৰ : সমাগত ২০২৪ ৰ লোকসভা নিৰ্বাচন ৷ নিৰ্বাচনকলৈ দেশৰ বিভিন্ন ৰাজনৈতিক দলে আৰম্ভ কৰিছে কুচকাৱাজ ৷ ৰাইজৰ মাজলৈ গৈ সমৰ্থন আদায় কৰাত এতিয়া ব্যস্ত ৰাজনৈতিক দল সমূহ ৷ ইফালে আন আন ৰাজনীতি দলৰ লগতে ভোটাৰ্চ পাৰ্টী ইন্টাৰনেচনেল দলেও আৰম্ভ কৰিছে নিৰ্বাচনী কুচকাৱাজ ৷

১০ অক্টোবৰ পৰা ১০ নৱেম্বলৈ ভোটাৰ্চ পাৰ্টী ইন্টাৰনেচনেল দলৰ অসম ৰাজ্যিক সমিতিয়ে জোনাইৰ পৰা ধুবুৰীলৈ আৰম্ভ কৰিছে পদ যাত্ৰা ৷ এই যাত্ৰা শুকুৰবাৰে বিশ্বনাথৰ বৰগাঙত উপস্থিত হয় ৷ শতাধিক পুৰুষ-মহিলাই অংশগ্ৰহণ কৰা এই যাত্ৰা ইতিমধ্যে ধেমাজি আৰু লখিমপুৰ জিলা অতিক্ৰম কৰি শুকুৰবাৰে বিশ্বনাথ জিলাৰ বিহালী সমষ্টিৰ বৰগাংত উপস্থিত হয় ৷

এই যাত্ৰা শোণিতপুৰ, ওদালগুৰি হৈ ১০ নৱেম্বৰত ধুবুৰীত উপস্থিত হ’ব বুলি জানিবলৈ দিয়ে দলটোৰ অসম ৰাজ্যিক সমিতিৰ সভাপতি তিলক পেগুৱে ৷ পেগুৱে লগতে কয় যে, বহু কেইটা দাবী লৈ এই যাত্ৰা হাতত লোৱা বুলি উল্লেখ কৰে অসম ৰাজ্যিক সভাপতিগৰাকীয়ে ৷ 

লগতে পঢ়ক :Jakir Hussain Sikdar slams BJP : ৰাহুল গান্ধী প্ৰধানমন্ত্ৰী হ'বই বুলি নিশ্চিত জাকিৰ হুছেইন শিকদাৰ