AJYCP Protest in Nagaon: মূল্যবৃদ্ধিৰ বিৰুদ্ধে নগাঁৱত জাতীয়তাবাদী যুৱ ছাত্ৰ পৰিষদৰ শ্মশান যাত্ৰা, আৰক্ষীৰ বাধা

নগাঁও, 6 জুলাই: আলু-পিয়াঁজকে ধৰি অত্যাৱশ্যকীয় সামগ্ৰীৰ মূল্যবৃদ্ধিয়ে জুৰুলা কৰিছে সৰ্বসাধাৰণক ৷ ইয়াৰ মাজতে বৃহস্পতিবাৰে নগাঁৱত উত্তাল প্ৰতিবাদ সাব্যস্ত কৰে অসম জাতীয়তাবাদী যুৱ ছাত্ৰ পৰিষদৰ নগাঁও জিলা সমিতিয়ে ৷ মূল্যবৃদ্ধিৰ বিৰুদ্ধে যোগান বিভাগৰ প্ৰতিকৃতি লৈ শ্মশান যাত্ৰা উলিয়ালে অসম জাতীয়তাবাদী যুৱ ছাত্ৰ পৰিষদৰ নগাঁও জিলা সমিতিয়ে ৷

ডিঙিত আলু-পিয়াঁজৰ মালা পৰিধান কৰি প্ৰতিবাদী কাৰ্যসূচী গ্ৰহণ কৰে সংগঠনটোৱে ৷ প্ৰতিবাদী কাৰ্যসূচীত বাধা প্ৰদান কৰে নগাঁও আৰক্ষীয়ে ৷ ফলত সৃষ্টি হয় উত্তপ্ত পৰিস্থিতিৰ ৷ নগাঁৱৰ নতুন বজাৰস্থিত জাতীয়তাবাদী যুৱ ছাত্ৰ পৰিষদৰ মুখ্য কাৰ্যালয়ৰ পৰা শ্মশান যাত্ৰা উলিয়াই যদিও আৰক্ষীয়ে বাধা প্ৰদান কৰাত নতুন বজাৰৰ ৰাজপথতেই দাহ কৰে প্ৰতিকৃতি ৷ 

মূল্যবৃদ্ধিৰ বিৰুদ্ধে ৰাজ্যজুৰি প্ৰতিবাদ সাব্যস্ত হৈ থকাৰ পিছতো ৰাজ্যৰ যোগান বিভাগ নীৰৱ হৈ থকাৰ অভিযোগ উত্থাপন কৰি যোগান বিভাগৰ বিৰুদ্ধে সোচ্চাৰ হৈ পৰে সংগঠনটো ৷

লগতে পঢ়ক :Accident in Guwahati: আমিনগাঁৱত পথ দুৰ্ঘটনাত নিহত এজন, আহত আঠজন