State BJP executive meeting: বিশ্বৰ বুকুত উজলি উঠিছে ভাৰতবৰ্ষ: সৰ্বানন্দ সোণোৱাল - Sarbananda Sonowal at BJP executive meeting

গুৱাহাটী,২০ মে': বিজেপিৰ জয়যাত্রা অব্যাহত ৰাখিব হ'লে জনতাৰ হৃদয়ত প্ৰৱেশ কৰিব লাগিব আৰু ইয়াৰ বাবে হাতত লোৱা কাৰ্যসূচীসমূহ নিষ্ঠাৰে পালন কৰিব লাগিব । এই মন্তব্য কেন্দ্ৰীয় মন্ত্রী তথা প্ৰাক্তন মুখ্যমন্ত্রী সৰ্বানন্দ সোণোৱালৰ । শনিবাৰে কলাক্ষেত্ৰত অনুষ্ঠিত হোৱা ৰাজ্যিক বিজেপিৰ কাৰ্যনিৰ্বাহক সভাত অংশ গ্ৰহণ কৰি দলীয় কাৰ্যকৰ্তাক উদ্দেশ্যি এইদৰে মন্তব্য আগবঢ়াই কেন্দ্ৰীয় মন্ত্রীগৰাকীয়ে (Sarbananda Sonowal at BJP executive meeting) ।  

বিজেপিৰ ৰাজ্যিক সভাপতি ভৱেশ কলিতাৰ পৌৰোহিত্যত অনুষ্ঠিত কাৰ্যনিৰ্বাহক সভাত কেন্দ্ৰীয় মন্ত্রী সোণোৱালে দলৰ নীতি-আদৰ্শৰ বিষয়ে উল্লেখ কৰে । তেওঁ কয় যে বিজেপিয়ে ৯ বছৰীয়া কাৰ্যকালত যিখিনি সফলতা অৰ্জন কৰিলে সেইখিনি কংগ্ৰেছে ৬০ বছৰীয়া কাৰ্যকালত কৰিব নোৱাৰিলে (Union Minister Sarbananda Sonowal) ।  

যাৰ বাবেই বিজেপিৰ ওপৰত ৰাইজৰ আস্থা আৰু বিশ্বাস বৃদ্ধি পাইছে । আনহাতে বিশ্বৰ বুকুত উজলি উঠিছে ভাৰতবৰ্ষ । তেওঁ কয় যে টীম অসমক শক্তিশালী ৰূপত গঢ় দিব লাগিব । চৰকাৰখনক সকলো দিশতে সহায়-সহযোগ কৰিব লাগিব । আগন্তুক লোকসভা নিৰ্বাচনত অসমত ১২ প্লাছৰ লক্ষ্য নিৰ্ধাৰণ কৰা হৈছে । এই লক্ষ্যত উপনীত হোৱাৰ বাবে কৰ্মকৰ্তাসকলে কাম কৰিব লাগিব । উক্ত সভাত মুখ্যমন্ত্ৰী ড০ হিমন্ত বিশ্ব শৰ্মা, উত্তৰ পূবৰ সমন্বয়ক সম্বিত পাত্ৰকে ধৰি দলৰ কেইবাজনো প্ৰাক্তন সভাপতিৰ লগতে দলৰ কাৰ্যকৰ্তাসকল উপস্থিত আছে । 

লগতে পঢ়ক:Junmoni Rabha accident:জোনমণিৰ মৃত্যুৰ তদন্ত চি বি আইক অৰ্পণ ; নগাঁৱৰ আৰক্ষী অধীক্ষক লীনা দলেক বদলি