Unidentified dead body recovered: নগাঁৱত অচিনাক্ত যুৱকৰ মৃতদেহ উদ্ধাৰ - ড্ৰাগছ সেৱন কৰি যুৱকজনৰ মৃত্যুৰ
নগাঁও, 28 জুলাই:নগাঁও চহৰৰ পূৱ কাৱৈমাৰিত শুকুৰবাৰে এজন অচিনাক্ত যুৱকৰ মৃতদেহ উদ্ধাৰ হোৱা ঘটনাই সৃষ্টি কৰিছে চাঞ্চল্যৰ । পুৱা পূৱ কাৱৈমাৰীৰ পথৰ দাঁতিত পানীত ওপঙি থকা অৱস্থাত উদ্ধাৰ হয় মৃতদেহটো । বৰ্তমানলৈ জানিব পৰা হোৱা নাই মৃত লোকজনৰ পৰিচয় ৷ ড্ৰাগছ সেৱন কৰি যুৱকজনৰ মৃত্যুৰ সন্দেহ ব্যক্ত কৰিছে স্থানীয় লোকে ।
শুকুৰবাৰৰ পুৱা নগাঁও চহৰৰ পূৱ কাৱৈমাৰি পথৰ দাঁতিত পানীত এটা মৃতদেহ ওপঙি থকা অৱস্থাত একাংশ লোকে প্ৰত্যক্ষ কৰি আৰক্ষীক খবৰ দিয়ে ৷ এই সম্ভেদ লাভ কৰাৰ পাচতেই ঘটনাস্থলীত আৰক্ষীৰ লোক উপস্থিত হৈ মৃতদেহটো উদ্ধাৰ কৰে । কি অৱস্থাত যুৱকজনে মৃত্যুক সাৱটি ল’লে সেই বিষয়ে এই পৰ্যন্ত কোনো তথ্য পোহৰলৈ অহা নাই যদিও যুৱকজনে ড্ৰাগছ সেৱন কৰাৰ ফলত মৃত্যু হোৱাৰ সন্দেহ প্ৰকাশ কৰিছে স্থানীয় একাংশই ।
লগতে পঢ়ক:Murder in Karimganj : কৰিমগঞ্জৰ কাটলিচেৰাত যুৱকক হত্যা