Student missing in Barpeta: কলগাছিয়াত বজাৰলৈ গৈ দুই ছাত্ৰ নিৰুদ্দেশ - Missing case in Barpeta

কলগাছিয়া,৮ মে':বৰপেটা জিলাৰ কলগাছিয়াৰ খেল্লী গাঁৱৰ দুজন ছাত্ৰ নিৰুদ্দেশ হোৱাত পৰিয়ালৰ মাজত হাহাকাৰ পৰিস্থিতিৰ সৃষ্টি হৈছে (Teenager missing in Kalgasia)। দুয়োকে বিচাৰি কাতৰ আহ্বান পৰিয়ালৰ । কান্দোনত ভাঙি পৰিছে পিতৃ-মাতৃ। ইপিনে, নিৰুদ্দিষ্ট ছাত্ৰ দুজনৰ সন্দৰ্ভত থানাত এজাহাৰ দাখিল কৰিছে পৰিয়ালৰ লোকে ।

কলগাছিয়া আৰক্ষী থানাৰ অন্তৰ্গত খেল্লী গাঁৱত নিৰুদ্দেশ হোৱা স্কুলীয়া ছাত্ৰ দুজনৰ অভিভাৱকে পুত্ৰক বিচাৰি নাপায় হতাশাত ভাঙি পৰিছে (Missing case in Barpeta)। উল্লেখযোগ্য যে খেল্লী গাঁৱৰ জিয়াৰুল হকৰ চতুৰ্থ শ্ৰেণীৰ ১১ বছৰীয়া আৰু একে গাঁৱেৰে আব্দুল মালেকৰ সপ্তম শ্ৰেণীৰ ১৩ বছৰীয়া পুত্ৰ দেওবাৰে পুৱা ১১ বজাৰ পৰা নিৰুদ্দেশ হয় । দুয়োজনে একেলগে পুৱাৰ ভাগত ঘৰৰ পাৰা চাইকেল লৈ ৰামপুৰ বজাৰলৈ ওলাই যায় যদিও নিশা ১২ বজালৈ ঘৰলৈ উভতি নহাত কান্দোনত ভাঙি পৰিছে পৰিয়ালৰ লোকে ।  

পৰিয়ালৰ লোকে আত্মীয় স্বজনৰ ঘৰত বিচাৰ খোচাৰ কৰিছে যদিও মাজনিশালৈ কোনো সন্ধান উলিয়াবলৈ সক্ষম হোৱা নাই । ছাত্ৰ দুজন কোনো দুষ্ট চক্ৰৰ কৱলত পৰিছে বুলি সন্দেহ প্ৰকাশ কৰিছে পৰিয়ালৰ লোকে । উপায়ন্ত হৈ পৰিয়ালৰ লোকে দেওবাৰে নিশাই কলগাছিয়া আৰক্ষী থানাত এখন এজাহাৰ দাখিল কৰে (Kalgasia Police Station) । কোনো ব্য়ক্তিয়ে দুয়োৰে সন্ধান পালে 9954152666 অথবা 9957223895 নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে। 

লগতে পঢ়ক:Assam Jatiya Vidyalaya State Samaroh: বৰ্ণাঢ্য কাৰ্যসূচীৰে অন্ত পৰিল জাতীয় বিদ্যালয় ৰাজ্যিক সমাৰোহ