Ganja Seized in Biswanath: বিশ্বনাথত গাঞ্জাসহ দুটা সৰবৰাহকাৰী আটক
বিশ্বনাথ জিলা আৰক্ষী চকীৰ অন্তৰ্গত জিনজিয়া আৰক্ষী আৰু বৰগাং আৰক্ষীৰ যুটীয়া অভিযানত মঙলবাৰে প্ৰায় ৮. ৩০ বজাত গাড়ীসহ বৃহৎ পৰিমাণৰ গাঞ্জা জব্দ কৰিবলৈ সক্ষম হয় (Ganja Seized in Biswanath) ৷ জানিব পৰামতে তেজপুৰৰ দিশৰ পৰা আহি থকা এ এছ 01 BJ 6242 নম্বৰৰ মাৰুতি Swift Dzire বাহনত বৃহৎ পৰিমাণৰ গাঞ্জা থকাৰ খবৰ লাভ কৰিছিল বিশ্বনাথ আৰক্ষীয়ে (Biswanath Police)। ইয়াৰ পিছতেই মঙলবাৰে পুৱাৰ পৰাই বিশ্বনাথ জিলা আৰক্ষী অন্তৰ্গত জিনজিয়া আৰক্ষী আৰু বৰগাং আৰক্ষী থানাই ১৫ নং ৰাষ্ট্ৰীয় ঘাইপথ ৰতোৱাত জিনজিয়া আৰক্ষী আৰু বৰগাং আৰক্ষী যুটীয়াভাৱে তালাচী কৰি থকা সময়তে এখন বাহনৰ লগতে দুজন লোকক আটক কৰিবলৈ সক্ষম হয় (Two smugllers arrested in Biswanath)৷ আৰক্ষীয়ে জব্দ কৰা গাঞ্জাখিনিৰ পৰিমাণ প্ৰায় এশ কিলোতকৈ অধিক হ’ব বুলি আৰক্ষীয়ে জানিবলৈ দিয়ে। আৰক্ষীয়ে আটক কৰা গাঞ্জা সৰবৰাহকাৰী দুটা হৈছে মিথিচাৰ দৈমাৰী (২৮)আৰু দেনংকৌ বড়ো (২২)৷