Drugs Smuggling:ভাদৈ আৰক্ষীৰ জালত হিমন্ত, জিতু
ডিব্ৰুগড়,18 জুলাই:ৰাজ্যত অবৈধ কাঠফুলাৰ দৰে গঢ় লৈ উঠা ড্ৰাগছৰ বেহাৰ বিৰুদ্ধে অসম আৰক্ষীয়ে অভিযান অব্যাহত ৰাখিছে ৷ ডিব্ৰুগড় দুলীয়াজানৰ ভাদৈ আৰক্ষীৰ জালত পৰিল দুই ড্ৰাগছ সৰবৰাহকাৰী ৷ আৰক্ষীয়ে ভাদৈ পাঁচআলিৰ নগাজান তিনিআলিৰ সমীপত তালাচী চলোৱা সময়তে এখন বাইকত আহিছিল দুই ড্ৰাগছ সৰবৰাহকাৰী ৷ ডিগবৈৰ পৰা দুলীয়াজান অভিমুখী গৈ আছিল আটকাধীন ড্ৰাগছ সৰবৰাহকাৰীকদ্বয় ৷ ধৃত দুই ড্ৰাগছ সৰবৰাহকাৰী তিনিচুকীয়াৰ পেঙেৰীৰ জিতু বৰুৱা আৰু হিমন্ত বিশ্ব বৰুৱা বুলি জানিব পৰা গৈছে ।
ড্ৰাগছ সৰবৰাহকাৰী জিতু আৰু হিমন্তৰ পৰা এখন AS23 Z9596 নম্বৰৰ বাইক সহ বৃহৎ পৰিমাণৰ নিষিদ্ধ ড্ৰাগছ আৰু আপত্তিজনক সামগ্ৰী উদ্বাৰ কৰে ভাদৈ আৰক্ষীয়ে । আটকাধীন যুৱক দুজনক আৰক্ষীয়ে ইতিমধ্যে অধিক তথ্যৰ বাবে মাৰাথন জেৰা অব্যাহত ৰাখিছে।
লগতে পঢ়ক:Illegal timber seized: দিহিং পাটকাই ৰাষ্ট্ৰীয় উদ্যানত বনদস্যুৰ হাতোৰা