ডুমডুমাত চাঞ্চল্যকৰ ঘটনা
Two body recovered: ডুমডুমাত নৈৰ দাঁতিত মাটিত পোত যোৱা অৱস্থাত দুটাকৈ মৃতদেহ উদ্ধাৰ
তিনিচুকীয়া, 16 জুলাই :তিনিচুকীয়া জিলাৰ ডুমডুমাত চাঞ্চল্যকৰ ঘটনা ৷ নৈৰ দাঁতিত মাটিত পোত যোৱা অৱস্থাত দুটাকৈ মৃতদেহ উদ্ধাৰ হোৱাক লৈ তীব্ৰ চাঞ্চল্যই বিৰাজ কৰিছে অঞ্চলটোত ৷ মৃতদেহ দুটা ডুমডুমাৰ সমীপৰ ফটিকজান গান্ধীবস্তিৰ 10 বছৰীয়া দুজন কিশোৰৰ বুলি জানিব পৰা গৈছে ৷
বৃহস্পতিবাৰে পুৱাৰ পৰা সন্ধানহীন হৈ আছিল চতুৰ্থ শ্ৰেণীত অধ্যয়নৰত ছাত্ৰ দুগৰাকী ৷ শনিবাৰে ডুমডুমা নৈৰ কাষত মাটিৰ তলৰ পৰা স্থানীয় লোকে উদ্ধাৰ কৰে মৃতদেহ দুটা ৷ ডুমডুমা নৈত সাঁতুৰিবলৈ গৈ নদীৰ গঢ়া খহি ছাত্ৰ দুজনৰ মৃত্যু হোৱাৰ সন্দেহ কৰা হৈছে ৷ পৰৱৰ্তী সময়ত এই স্থানত ডুমডুমা আৰক্ষী উপস্থিত হৈ মৃতদেহ উদ্ধাৰ কৰাৰ লগতে ঘটনাৰ তদন্ত আৰম্ভ কৰে ৷