Nagaon Truck driver protest: নগাঁৱত ট্ৰাকচালক-শ্ৰমিক সন্থাৰ উত্তাল প্ৰতিবাদ

নগাঁৱত ট্ৰাকচালক আৰু শ্ৰমিক সন্থাৰ উত্তাল প্ৰতিবাদ(Truck driver protest in Nagaon) ৷ এগৰাকী ট্ৰাকচালকক শেনচোৱা ৰে’ল ষ্টেচনত প্ৰহাৰ কৰাক লৈ সাব্যস্ত কৰা হয় এই প্ৰতিবাদী কাৰ্যসূচী(Sensowa train station) ৷ ষ্টেচনৰ গুদামত কৰ্মৰত মনোজ নাথ নামৰ কৰ্মচাৰীজনৰ বিৰুদ্ধে ট্ৰাকচাকলজনক প্ৰহাৰৰ কৰাৰ অভিযোগ ৷ উল্লেখ্য যে ৰে’ল যোগে অহা খাদ্য সামগ্ৰীৰ প্ৰতি বস্তাৰ বাবদ গুদামত পৰিশোধ কৰিব লাগে 50 পইচা । কিন্তু শনিবাৰে গুদামৰ পৰা সামগ্ৰী আনিবলৈ যাওঁতে কিছু পলম হোৱাৰ বাবে প্ৰতিবস্তাৰ বিনিময়ত বিচাৰিছিল 1 টকাকৈ ৷ ট্ৰাকচালক সকলে 1 টকাকৈ দিবলৈ অমান্তি হোৱাত গুদামৰ কৰ্মচাৰীৰে সৃষ্টি হৈছিল বাক-বিতণ্ডাৰ ৷ ফলত এগৰাকী ট্ৰাকচালকক প্ৰহাৰ কৰে গুদামৰ কৰ্মচাৰী মনোজ নাথে ৷ ইয়াৰ বিৰোধিতাৰে মনোজ নাথক আটক কৰি উচিত শাস্তি প্ৰদানৰ দাবীৰে ট্ৰাকচালক আৰু শ্ৰমিক সন্থাই সাব্যস্ত কৰে প্ৰতিবাদী কাৰ্যসূচী ৷