Road Accident in Mangaldoi : মঙলদৈৰ অহকাত পথ দুৰ্ঘটনাত নিহত দুজন

মঙলদৈ, 12 অক্টোবৰ : মঙলদৈৰ অহকাত বৃহস্পতিবাৰে সংঘটিত হয় এক ভয়ংকৰ পথ দুৰ্ঘটনা ৷ দুৰ্ঘটনাত নিহত হয় দুজনকৈ ব্যক্তি ৷ দুখন মটৰ চাইকেলৰ মাজত মুখামুখি সংঘৰ্ষ হোৱাৰ ফলতেই সংঘটিত হয় এই শোকাৱহ দুৰ্ঘটনাটো ৷

এই ঘটনাত দুজন মটৰ চাইকেল আৰোহী থিতাতে নিহত হোৱাৰ লগতে আন এজন গুৰুতৰভাবে আহত হৈছে বুলি জানিব পৰা গৈছে ৷ নিহত এজন ব্যক্তি অজয় বিশ্বাস আৰু আনজন আইনুল হক বুলি চিনাক্ত কৰা হৈছে ৷

নিহত অজয় বিশ্বাসৰ ঘৰ বৰকলা বাগিচা আৰু আইনুল হকৰ ঘৰ মঙলদৈৰ অধিকাৰীত বুলি জানিব পৰা গৈছে ৷ ইফালে গুৰুতৰভাবে আহত ৰমেশ বিশ্বাসক উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ লৈ প্ৰেৰণ কৰা হৈছে ৷ 

লগতে পঢ়ক :Buxar Train Accident : ছেলফি লৈ যাত্ৰা আৰম্ভ কৰা ভাণ্ডাৰী পৰিয়ালৰ মাতৃ-কন্যাৰ মৃত্যু