তিতাবৰৰ পথ দুৰ্ঘটনাত প্ৰাণ হেৰুৱালে এজনে - তিতাবৰৰ পথ দুৰ্ঘটনাত প্ৰাণ হেৰুৱালে এজনে

তিতাবৰ, ৯ ডিচেম্বৰ :শনিবাৰে তিতাবৰ বান্দৰচলিহা চামগুৰিত সংঘটিত হয় শোকাৱহ পথ দুৰ্ঘটনা । যাত্ৰীবাহী মেজিকৰ খুন্দাত থিতাতে নিহত বাইক চালক । বান্দৰচলিহাৰ পৰা তিতাবৰ নগৰৰ অভিমুখে গৈ থকা AS03CC5058 নম্বৰৰ যাত্ৰীবাহী মেজিকখনে তিতাবৰ নগৰৰ পৰা বান্দৰচলিহা অভিমুখে আহি থকা AS03Z2907 নম্বৰৰ HONDA SHINE বাইকখনত মুখামুখিকৈ খুন্দা মাৰে ৷ যাৰ ফলতে থিতাতে নিহত হয় বাইক চালকজন ।

বাইক চালকজনে পত্নীক লগত লৈ তিতাবৰ নগৰৰ পৰা বান্দৰচলিহা অভিমুখে AS03Z2907 নম্বৰৰ HONDA SHINE বাইকখনত গৈ থকা অৱস্থাত যাত্ৰীবাহী মেজিকখনে খুন্দা মাৰে ৷ ফলত থিতাতে মৃত্যু হয় বাইক চালক প্ৰণৱ হাতীমতা নামৰ ব্যক্তিজন ।

আনহাতে, অতি সংকটজনক অৱস্থাত পত্নী লক্ষীমণি গগৈ হাতীমতাক যোৰহাট চিকিৎসা মহাবিদ্যালয়ত ভৰ্তি কৰা হয় । সমগ্র ঘটনাক কেন্দ্ৰ কৰি তিতাবৰত শোকৰ ছাঁ পৰিছে ।

লগতে পঢ়ক :বহিঃৰাজ্যত পুনৰ নিখোঁজ অসমৰ যুৱক, চৰকাৰলৈ সহায়-সহযোগিতাৰ আহ্বান পৰিয়ালৰ