Tragic road mishap: ৫২ নং ৰাষ্ট্ৰীয় ঘাইপথত দুৰ্ঘটনাত পতিত হৈ এজনৰ মৃত্যু

মৰাণ, 28 ছেপ্টেম্বৰ : ডিব্ৰুগড়ৰ টিংখাঙত নলনী চমুৱা গাঁৱৰ 52 নং ৰাষ্ট্ৰীয় ঘাইপথত বুধবাৰে নিশা ভয়াবহ পথ দুৰ্ঘটনা সংঘটিত হয়। এই পথ দুৰ্ঘটনাত থিতাতে নিহত হয় এগৰাকী বাইক আৰোহী। বাইকেৰে ডিব্ৰুগড় অভিমুখে গৈ থকা অৱস্থাত পথত থকা এটা গৰুক খুন্দা মাৰি বাগৰি পৰে দুই বাইক আৰোহী । 

সেই সময়তে পিচফালৰ পৰা আহি থকা এখন ট্ৰাকে মহতিয়াই নিয়ে বাইক আৰোহী দুজনক । নিহত বাইক আৰোহীজন ৰাজগড়ৰ পাৰ্থজিৎ শইকীয়া বুলি আৰক্ষীয়ে জানিব পৰা গৈছে । আনহাতে, আনজন বাইক আৰোহীক সংকটজক অৱস্থাত ততাতৈয়াকৈ AMCH লৈ প্ৰেৰণ কৰা হৈছে ৷  

ৰাজগড় আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰাৰ লগতে দুৰ্ঘটনা সংঘটিত কৰা ট্ৰাকখন জব্দ কৰে । ৰাজগড় আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ।

লগতে পঢ়ক:Road accident: বৰাগাঁও উৰণ সেতুত পথৰ কাম কৰি থকা বাহনক খুন্দা মাৰিলে অ’টৱে