Man electrocuted in Naojan: বিদ্যুৎস্পৃষ্ট হৈ মৃত্যু হোৱা দাইয়োত মাৰাকৰ বাসগৃহত নাজল-নাথল অৱস্থা - দাইয়োত মাৰাকৰ বাসগৃহত নাজল নাথল অৱস্থা

সৰুপথাৰ,২১ ছেপ্টেম্বৰ:মঙলবাৰে নাওজান অঞ্চলত বিদ্যুৎস্পৃষ্ট হৈ এজন লোকৰ মৃত্যু ঘটে । প্ৰাপ্ত তথ্য অনুসৰি চুঙাজান এম ভি পঞ্চায়তৰ গাৰো বস্তি নামৰ বিবাদমান এলেকাৰ বাসিন্দা দাইয়োত মাৰাক নামৰ লোক এজনৰ বিদ্যুৎস্পৃষ্ট হৈ প্ৰাণ হেৰুৱাই । লোকজন বিদ্যুৎ বিভাগৰ নাওজান নিয়ন্ত্ৰণ কক্ষত অস্থায়ীভাৱে কৰ্মৰত আছিল বুলি জানিবপৰা গৈছে ।  

মঙলবাৰে নাওজান অলিম্পিক স্কুলৰ ওচৰতে থকা এটা বিকল ট্ৰেন্সফৰ্মাৰ মেৰামতি কৰি থাকোতে উচ্চ ক্ষমতাসম্পন্ন তাঁৰত লাগি বিদ্যুৎস্পৃষ্ট হয় লোকজনৰ । দাইয়োত মাৰাকক ততাতৈয়াকৈ সৰুপথাৰ সমূহীয়া স্বাস্থ্যকেন্দ্ৰত ভৰ্তি কৰিছিল যদিও চিকিৎসকে মৃত বুলি ঘোষণা কৰে । বুধবাৰে দাইয়োত মাৰকাৰ মৃতদেহ মৰোণোত্তৰ পৰীক্ষাৰ বাবে গোলাঘাটলৈ প্ৰেৰণ কৰে ।  

বৰ্তমান অৱস্থাত দাইয়োত মাৰাকৰ পৰিয়ালবৰ্গ শোকত ভাঙি পৰিছে, পৰিয়ালটোত কান্দোনৰ ৰোল উঠিছে । দাইয়োত মাৰাকৰ ঘৰৰ আৰ্থিক অৱস্থা একেবাৰেই দুৰ্বল । তেখেতে পৰিয়ালত তেওঁৰ পত্নী আৰু দুটি সন্তান এৰি থৈ গৈছে । অসহায় পৰিয়ালটোৰ একমাত্ৰ উপাৰ্জন কৰা ব্যক্তিজনৰ মৃত্যু হোৱাত সৰগ ভাঙি মুৰত পৰাৰ নিচিনা অৱস্থা হ'ল । ওচৰ চুবুৰীয়ালোকে পৰিয়ালটোৰ বাবে চৰকাৰক সহায় আগবঢ়াবলৈ অনুৰোধ জনাইছে ।

লগতে পঢ়ক:Erosion at Moinbori: ‘‘আমাৰ জন্ম ভাৰতত, আমি ভাৰতীয় ! মামা আমাক চকু মেলি চাওক’’; মইনবড়ীত খহনীয়াগ্ৰস্তৰ বিননি